كشف وزير الصحة، خالد آيت الطالب، صباح اليوم الثلاثاء، أن حالة المغربي القادم من برغامو شمال إيطاليا، وظهرت عليه أعراض “كورونا” فيروس مستقرة، مشيرا إلى أن هاد السيد البالغ من العمر 39 سنة جاتو الأعراض بعد يوم واحد من دخوله التراب الوطني. وبخصوص الناس اللّي كانو معاه في احتكاك، يقول الوزير آيت الطالب، في ندوة صحفية عقدها بوزارة الصحة: “الطائرة فاش اوصل كانت هازة 104 مسافر، والعائلة ديالو البارح تم الاتصال بيهم، وهوما حاليا في عزلة باش ميخرجوش ويلتزمو الشروط الوقائية لمحاصرة الفيروس”. وجدد الوزير تأكيده أنه “مكاين حتى شي حد من عائلتو عندو أعراض ديال كورونا فيروس. وأضاف قائلاً: “لكن المراقبة غادي تبقى عن كتب والأطقم دالوزارة باش انزورو العائلة ديال المريض كل جوج مرات يوميا، ودبا حالة هاد السيد مستقرة، ومغاديش تبدل من الاستراتيجية ديال وزارة الصحة حقاش حالة منفدرة، وربما تكون شي إجراءات أخرى”.