عموتة عيط على 26 لعاب فيهم 4 من الدوزيام ديفيزيون

الحسين عموتة، مدرب المنتخب المحلي عيط ل26 لعاب للمشاركة في تجمع تدريبي ما بين 3 و 6 فبراير الجاري بمركز محمد السادس لكرة القدم، استعدادا لنهائيات كأس إفريقيا للمخليين، اللي غادي تنظم في الكاميرون 2020.
عموتة وجه الدعوة لبزاف ديال اللعابة اللي سبق ليه شاركوا في التجمعات الأخيرة من بينهم 4 من الدوزيام ديفيزيون.
مدرب المنتخب المحلي بدا كيوجد من دابا لكأس إفريقيا.
واللائحة كتكون من 4 ديال اللعابة من مولودية وجدة عبد الله خفيفي وآدم النفاتي، واسماعيل خافي وجمال حركاس وأربعة لاعبين من الفتح الرباطي وهم محمد أمسيف، ورضا الجعدي وسعد أيت الخرصة وأنس باش، و4 من اولمبيك اسفي وهم مختار ماجد، حمزة خابا ووليد الصبار ومحمد مورابيط.
إضافة إلى المهدي قرناص وشعيب المفتول ومحمد اليوسفي من الدفاع الحديدي وعمر الجيراري وعماد الرحول من الجيش الملكي سعد اللمطي وعماد عطف الله من نهضة الزمانرة وأمين أبوالفتح وزكرياء فاتي من يوسفية برشيد وحمزة الواسطي من اتحاد طنجة.
ومن الدوزيام ديفيزيون استدعى عموتة هشام مرزاك العلوي من النادي السالمي ولاعب الاتحاد البيضاوي أسامة المليوي بالإضافة لعبد الله غراف من الكوكب المراكشي ولاعب المغرب الفاسي كريم الولادي.