الممثلة مريم حسين كتعيش أسوء أيام حياتها.. صالح الجسمي رفض يتنازل ليها بعدما حكمات عليها المحكمة بالحبس ويجريو عليها من الإمارات

شد ليا نقطع لك بين الممثلة المغربية مريم حسين والإعلامي صالح الجسمي خو المغني حسين الجسمي مازال مستمرة.
بزاف ديال الفنانين والمشاهير طلبو منو يتنازل لمريم في قضية السب والشتم وأنه يسمح ليها باش المحكمة تبطل قرار يشدوها في الحبس شهر ويجريو عليها من الإمارات بمرة، لكن صالح دار العصى في الرويدة.
وأكد صالح في بوسط في تويتر أنه مغاديش يتنازل واخا مانعرفت شنو يوقع وقال “أنا أشبه نفسي وعنادي بجبل خورفكان ذو الحجارة الصماء الكبيرة ثابت عند مواقفي لا أتزحزح حتى لو وزنوني ذهبا، لا تنازل . انتهى”.
هذا الحوار جاب خلاصة المسألة https://t.co/lXhRy5uhe6
— Saleh Aljasmi|صالح الجسمي (@SalehJasmi) January 28, 2020
وقالت مريم حسين أن الشهر الجاي عيد ميلاد بنتها لي غادي تكمل 3 سنين وكتمنى أنها تبقى معها ومتدخلش للحبس، وأكدات أنها ماقاتلاش روح باش يصدر في حقها هاد الحكم لي قالت أنه قاصح بزاف.