المغربية مريم حسين كتدافع على راسها فقضية هتك عرض رابور ميريكاني.. وكتبكي الخلعة

البارح الخميس كانت جلسة الاستئناف ديال المغربية مريم حسين لي اتهمها صلاح الجاسمي خو المغني حسين الجسمي بهتك عرض رابور ميريكاني في دبي.
الحكم الأخير غادي يكون نهار الأحد، والبارح مريم بانت عينيها مدمعين وكتبكي لان الحكم الأول كان 3 اشهر ديال الحبس وتخوي الامارات. وحاليا كتناشد باش العدالة تكون منصفة فحقها.
وعاودات مريم حطات الفيديو لي كيتاهمها فيه الجسمي بهتك عرض المغني نهار عيد ميلادها، وأكدات أنها كانت كتشطح عادي وماكين والو من الاتهامات لي وجه ليها، وهي كانت اتاهماتو بالدعارة وقالت انه كيشد الفلوس مقابل بنات كيمارسو الجنس.
قضية مريم حامضة والحكم النهائي غادي يكون الأحد وديك الساعة نشوفو واش غادي تفلت ولا غادي ينزلو عليها بشي حكم قروسطي.