حفل سعد لمجرد فالسعودية داز ناشط.. وهو بانت فيه الخلعة -فيديو

الناس متناقضين، والافتراضي ماشي هو الواقعي. هادي هي الخلاصة لي تجسدات في حفل المغني سعد لمجرد البارح في السعودية.
المغني شدو فيه السواعدة مزيان ورفضو أنه يغني في بلادهم وهاشتاكَ ضدو طلع هو الترند في تويتر، ولكن البارح الحفلة كانت مطرطقة والحضور كان كثر من جمهور المغنية اللبنانية ميريام فارس لي تبرعات بأجرها للمحتاجين في لبنان.
ولكن، لمجرد بانت فيه الخلعة وصوتو تبدل، وهنا فين كيبانو المؤثرات الصوتية لي كيديرو هاد المغنيين الجداد في الأغاني ديالهم داخل الاستوديوهات.
وكيف ديما لمجرد حيح ونشط الجمهور وكانو معاه شطاحة رافقوه في بعض الأغاني وعزف البيانو.