سفير داير حالة بعدما شفر كتاب ساوي 100 درهم فالارجنتين – فيديو

وزارة الخارجية في المكسيك عيطات على سفير البلاد في الأرجنتين بعدما خرجات تقارير كتقول أنه حاول يشفر كتاب من داخل مكتبة كبيرة ومعروفة في العاصمة بوينس آيرس.
رواد مواقع التواصل الاجتماعي تقاسمو مع بعضياتهم مقطع فيديو سجلاتو كاميرا المراقبة ديال المكتبة كيبان فيه رجل قالو أنه السفير أوسكار ريكاردو فاليرو ريكو بيكيرا، هز الكتاب لي ساوي 10 دولار وسط جورنال وخرج بحالو.
وقال وزير الخارجية المكسيكي مارسيلو إبرارد، اليوم الاثنين، أنه طلب من لجنة الأخلاقيات بالوزارة “تحليل الاتهام الموجه ضد الدبلوماسي” لي عندو 76 عام.
وقال إبرارد في تويتر أنه الا كان هو فعلا لي كيبان في الفيديو غادي يجريو عليه.