وزارة التضامن حاصلة.. دارت أغنية للقضاء على العنف ضد العيالات وربعات يديها.. ودابا كتقلب على تخريجة

25 نونبر هو اليوم العالمي للقضاء على العنف ضد النساء، ووزارة التضامن والتنمية الاجتماعية والمساواة والأسرة أول ما فكرات فيه هو دير أغنية تحسيسية اختارت يغنيها الرابور “مسلم”.
هاد الأغنية جات وطاحت من السما، ماتهدر عليها مادارت حملة اشهارية باش يكشفو أسباب نزولها ماوالو، وهادشي ماعاقت بيه الوزارة حتى طاحو بزاف ديال الأسئلة في اليوتوب وفي صفحات مسلم في مواقع التواصل.
التبركيكة لي جابت “كود” أن الوزارة حصلات ويالله كتقلب على أفكار لي تقدر تدوي بيها على العنف الممارس ضد النساء وخصوصا المغربيات.
الأغنية اللي تورناوها ك clip/spot وسميتها “لالة” دابا شادة الطوندونس وحققات مليون مشاهدة في يوماين واختيار مسلم حسب المعلقين كان موفق.