بالفيديو. الأغنية المغربية ديال بلقيس شدات الطوندونس في 10 دول وأكدات: هي لكل مرا قوية مستقلة

المغنية اليمنية بلقيس شدات الطوندونس ديال اليوتوب في المغرب بأغنيتها المغربية “تعالى تشوف”، وحتى الطوندونس ديال 10 دول أخرى ووصلات ل مليون و200 مشاهدة في يوماين.
الأغنية خرجاتها على طريقة الفيديو كليب، وهي من اخراج عبد الرفيع العبديوي وكلمات سمير الموجاري، وقالت البارح في سناب شات أن التصوير دار في مراكش لمدة 48 ساعة متتالية وكان الهدف من الفيديو هو تقديم القفطان المغربي داكشي علاش بانت الكليب كامل غير بيه.
وقالت بلقيس أن الأغنية خدمات عليها هادي 3 اشهر وسمعات بزاف ديال الأغاني لكن اختارت “تعالى تشوف” لي كتدوي على قصة مرا قوية كان حبيبها كيظن انها غادي تفش في غيابو لكن كان العكس.
واضافت “الاغنية هي لكل امرأة في العالم قوية ومستقلة وقادرة تعيش بوحدها”.