ضربة قوية لدوزيم من م بي سي 5.. طيرو ليها برنامج عندو متابعين صحاح

البارح الاثنين قناة mbc5 بدات في العرض الترويجي ديال برنامج “ماستر شاف جونيور” لي كان في الأصل كيدوز في القناة الثانية دوزيم.
البرنامج كيحقق نسب مشاهدة كبيرة حسب الاحصائيات الرسمية لي كتكشف عليها ماروك ميتري.
هاد القناة لي نزلات من السما ولي دارها ولي العهد السعودي بنسلمان باش يغطي على فضايحو آخرتها قتل الصحافي السعودي خاشقجي في إسطنبول، ناوية تشري بفلوسها الإعلام والفن باش تولي سميتها وبرامجها معروفين في المغرب.
البداية كانت مع برنامج الطبخ والقضية مازال غادي تكمل مع سحب البساط من برامج أخرى تحت شعار “شكون يخلص ويحط الفلوس كثر”.