وأخيرا. مسلسل “سامحيني” المدبلج سالا والمغاربة غادي يتهناو من البكا والشكا

البارح كان نهار استثنائي عند بعض العائلات المغربية حيت كانت الحلقة الأخيرة من مسلسل “سامحيني” المدبلج لي كيدوز في دوزيم. النهاية جات من بعد كثر من 700 حلقة كاملة بكا وشكا ومضاربات.
هاد المسلسل ديما كان في قائمة الاعمال الأكثر مشاهدة في القناة كيفما كيبان في التقارير الرسمية ديال ماروك ميتري، وفهاد 8 سنين كاملة ماعمرو طاح من البلاصة الأولى ، والمشاهدات كانت كتزاد كل شهر رمضان.
لي مؤكد أن القناة معولة بزاف على هاد الأفلام التركية المدبلجة بالدارجة باش تجيب المشاهدات، وحاليا دوزيم شرات مسلسل جديد من عند الشركة المتخصصة في دبلجة الاعمال المكسيكية.