قطاع الاتصال غادي يمشي لوزارة الثقافة والموظفين مزال تالفين ومسؤول حكومي ل”كود”: مزال مكاين شي حاجة رسمية

قالت مصادر مطلعة، ل”كود”، أن قطاع الاتصال الذي تم حذفه من الهيكلة الحكومية الجديدة، سيتم إدماجه بوزارة الثقافة، بعدما راجت عدة أخبار كتقول أن هاد القطاع غادي يرجع تابع لرئاسة الحكومة، وراجت هضرة أخرى كتقول أنه تقدر المديريات التابعة للاتصال تترفق على عدد من القاطاعات الحكومية.
لكن مصدر حكومي مقرب من رئيس الحكومة، أوضح ل”كود” أنه مزال مكاين حتى شي حاجة رسمية، وأضاف قائلاً: “مزال الرؤية مواضحة وما هو رسمي غادي يبان من خلال إصدار بعض المراسيم بهاد الخصوص، والتي من المتوقع أن تصدر خلال الأيام القليلة المقبلة.
عدد من الموظفين بقطاع الاتصال هضرات معاهوم “كود” وعبروا عن سخطهم العارم إزاه هاد الوضع. أحد قال ل”كود”: انا بغين نمشي بحال يعطيو لي غير التقاعد النسبي، وهادشي إسمو العبث. وعلاش معلموناش قبل باش نعرفو شكون انديرو. دبا معندنا حتى شي صلاحية. كنجيو بحال شي عيالات حطارات فالعرس ونمشي بحالنا”.