وعلاش دايرينها أصلاً. القاعة ديال الصحفيّين فمجلس النواب سادها المالكي

القاعة المخصّصة للصحفيين بمجلس النواب ديما مشدودة فوجه الصحفيين لي كاعيين بزاف على إغلاق القاعة المخصصة لهم. البارح الثلاثاء عاينات “كود” القاعة مسدودة عاود والسيد لي مكلف بها مكاينش أصلا. مشحال من صحفي بغا يدخل وف التالي مشا بحالو.
“كود” البارح عيطات على مسؤول فالمصلحة ديال التواصل بمجلس النواب. السيد تالف غير مع راسو. وقاليك غادي يرسل شي حد يفتح الباب لكن مكاين والو. أحد الزملاء الصحفيين قال ل”كود” تعليق على إغلاق هاد القاعة: “وعلاش دايرين هاد القاعة يلا مكانش خدامة ومن الأحس يقولو لينا راه تشدات فمرة ونمشيو نخدمو ف جهة أخرى”.