منى فتو ماباغاش تدوي على حياتها الشخصية: ها حقيقة زواجي بعثمان “مول البندير”

مؤخرا وفجأة بداو صفحات الفايسبوكية والانستگرامية كيدويو على زواج عثمان مولين “مول البندير” مع الممثلة منى فتو. هادشي طبعا جا حيت عثمان ومنى مابقاوش كيتفارقو وكيبانو في معظم اللقاءات.
الممثلة خرجات البارح في ندوة صحافية وأكدات أن الهضرة مامنها والو وأن عثمان صديق عزيز بزاف وبحال خوها، وحياتها الشخصية ماكتبغيش تدوي فيها.
وكان قبل منى خرج عثمان وقال انها صديقتو وأن الهضرة الخاوية ماعندو ميدير بيها.