عموتة: الماتش ديال الجزائر غادو يكونو لعابة أخرين وهداكشي لي وقع فماتش الرجا حشومة لو كان ياجور مازال كون عيط لو

الحسين عموتة، مدرب المنتخب المحلي، أكد أن الماتش ديال النيجر اليوم (الخميس) غيعرف بعض الغيابات بحال نجيب المعتني والمهدي اوبيلا، بسبب الإصابة.
وأضاف عموتة أن الاستعدادات لمباراة الجزاير، دازت مزيانة، لأن هاد الماتش غادي يكون مصيري لينا وليهم، هو ماتش باراج.
الصحافيون سولوا عموتة على بعض اختياراته بحال دعوة الحارس ايمن مجيد، لي ملعبش مدة طويلة، ورد عليهم بلي ماكانش متتبع للبطولة واعتمد على لاليست القديمة لكن الأمور تصححات من بعد.
اللائحة لي غادي يعتمد عليها عموتة في الماتشات ديال النيجر وبوركينافاسو ما شي لي غادي تشارك أمام الحزائر، لحقاش غادي يرجعو بزاف دا لعابة من المنتخب الأول.
عموتة هضر في الندوة على الكوتش مونطال اي المعد الذهني، لي أصبح ضروري للعمل مع اللاعبين من أجل تاطيرهم، وقال “هاداك شي لي وقع في الماتش ديال الرجا والزمامرة حشومة يكون ومثل هالتصرفات ما خاصش تكون إطلاقا، لهدا يجب الاستعانة بالجانب للذهني”.
دابا غادي نجرب كاع لعابة في الماتشات بجوج باش نعرف شكون لي صالح ليا”.
عموتة دافع عن اختياراته التقنية، وخا عيط على لعابة كبار، وقال “كون ياجور مازال في البطولة كون عيط عليه حتى هو، وخاص لعابة الصغار يبكيو حيت مازال ياجور كايماركي في البطولة وأكثر من ذلك هدافها الأول.