بعد مقال “كود”، والي فاس جاب الطراكسات لهدم مشروع سياحي غير مرخص

omarelmouzaine@gmail.com
بعد المقال ديال “كود” لي فجرنا فيه فضيحة ديال لبني بداخل المشروع السياحي “Diamant vert” والشفارة ديال الشجر من الغابة ديال عين الشقف ضواحي مدينة فاس، علمت “كود”، من مصادر مطلعة، أن والي جهة فاس مكناس، سعيد زنيبر، انتقل منتصف نهار اليوم الجمعة إلى هاد المشروع لاتخاذ الإجراءات المناسبة.
وحسب المصادر نفسها، ل”كود”، فإن الوالي كان مرفوقا بعدد من المسؤولين ديال الترابيين وكان معاه العامل ديال إقليم مولاي يعقوب لي تابعة ليه هاد لفضيحة، مشيرة إلى أن الطراكسات بداو يجيو لهاد المشروع باش يشرعو ف العملية ديال الهدم بالحضور ديال الحرس الترابي والجدارمية ولجنة ولائية شكلها الوالي.
واستفسر الوالي السلطات المحلية ديال عين الشقف على هاد لفضحية لي كانت أمام أعينها ومدارت والو، فيما قالت مصادر مقربة من الوالي أن هذا الأخير غاضب بزايد واحتمال ياخد الإجراءات فحق بعض رجال السلطة .