الولاية غادي تزيد ساعة للبيران و ليبواط ف فاس

omarelmouzaine@gmail.com
علمت “كود”، من مصادر مطلعة، أن سعيد زنيبر، والي جهة فاس مكناس، يضع اللمسات الأخيرة على إصدار قرار يقضي بإضافة ساعة على التوقيت القانوني ديال إغلاق المحلات اللي كتقدم المشروبات الكحولية بمدينة فاس. هاد الملف دبا راه المكتب ديال الوالي وينتظر شي إجراءات بسيطة باش يوافق عليه.
ووفق ما كشفت عنه مصادر “كود”، فإن المصلحة الولائية للاستعلامات العامة بالمدينة كانت اعطات الرأي ديالها فهاد الشأن للمصلحة ديال الشؤون الداخلية بولاية الجهة، حيث ينتظر أن يوافق والي الجهة على هاد القرار لي كانو طالبينو عدد من المحلات ديال بيع الشراب هادي مدة.
لمدينة ديال فاس واكلة الدق اقتصاديا هادي مدة ومكاينش شي متنفس فيه يمشيو الناس من غير هاد الأماكن العمومية، سيما لي كتدير التنشيط وكتجيب الفنانين وكتحترم القانون ديالها وكتخلض الضرائب للدولة. القرار ديال الوالي لي غادي يدير مزيان وكولشي رحب بيه.
وقال أحد المهنيين فالقطاع السياحي بفاس، ل”كود”: نتمناو من الوالي يسرع لينا بهاد القرار حقاش راه بزاف ديال المدن عندهوم ساعة زايدة غير حنا والذي من شأنه أن ينعش السياحية الداخلية ويعاون ف النشاط الاقتصادي ديال لمدينة”.