الرقم المباشر لمحاربة الرشوة :عدد الموقوفين ف2018 وصل ل62 والأغلبية موظفين

omarelmouzaine@gmail.com
علمت “كود”، من مصادر خاصة، أن العدد ديال الموقوفين لي خرج عليهوم الرقم المباشر اللي طلقاتو رئاسة النيابة العامة بتاريخ 14 ماي من سنة 2018، للتبليغ عن جرائم الفساد والرشوة، وصل خلال السنة لي تسلات البارح ما مجموعه 62 شخص.
ووفق ما كشفت عنه مصادر “كود”، فإن الأغلب ديال هاد الموقوفين عندهوم وظائف عمومية ف قطاعات مختلفة بحال الصحة والبوليس والداخلية وغيرها، بالإضافة إلى توقيف مجموعة من الوسطاء ف جرائم ديال الفساد.
وأفادت المصادر نفسها، أن آخر واحد لي خرج عليه الخط المباشر ديال النيابة العامة اطلع موظف ف المكتب الوطني ديال الكهرباء فمدينة إنزكان. هدا الأخير كان يعرّض شخصا للابتزاز مقابل باش يصوب ليه عداد كهربائي، بالإضافة إلى توقيف شي مقدم متلبس بالرشوة ففاس البارح.