نايضة ف جامعة فاس والطلبة كيهدّو بمقاطعة الامتحانات الخريفية

omarelmouzaine@gmail.com
تصعيد جديد كيهدو بيه الطلبة ديال جامعة ظهر المهراز. فقد هدد عدد من من الطلبة المنتمون لفصيل البرنامج المرحلي بمقاطعة الامتحانات الخريفية اللي كاينة 7 يناير الجاي بكلية العلوم و8 من الشهر نفسه بكليتي الحقوق والآداب.
وحسب ما أكدته مصادر طلابية مختلفة، ل”كود”، فإن هاد التصعيد جاء بعد الوعود لي قدماتها رئاسة الجامعة للطلبة ف وقت سابق ومدارت منها حتى شي حاجة، سيما التي طرحت ف اللقاء الأخير ديال الجامعة مع ممثلين عن الطلبة، وتتعلق بالمشاكل البوداغوجية، وغيرها من الملفات المطلبية.
يشار إلى أنه منذ بداية الموسم الجامعي ديال 2018/2019 خاض عدد من الطلبة ديال الاتحاد الوطني لطلبة المغرب أشكال احتجاجية، وطالبو بالحق ديالهوم ف السكن الجامعي، والتغذية، والمنحة وغيرها من المطالب، متهمين رئاسة جامعة محمد بن عبد الله وعمادة كلية الآداب والعلوم الإنسانية سايس-فاس بنهج اللغة ديال الصمت وسياسة الهروب إلى الأمام.