سكوب.. ها علاش المشتكيات اللي عولو على لملاير على ظهر بوعشرين مقولبين. مؤسس “أخبار اليوم” ما كيملك حتى حاجة بما فيها المؤسسة

علمت “كود” من مصادر مقربة، من الزميل الصحافي توفيق بوعشرين، مؤسس يومية “أخبار اليوم”، أن هذا الأخير اللّي حكم عليه القضاء بتعويضات تجاوزت 200.00 درهم لفائدة داك المشتيكات، ما كيملك حتى حاجة. والو والو.
وحسب المصادر نفسها، ل”كود”، فإن الوضعية المادية ديال الصحافي بوعشرين ماشي بداك الصورة التي يتم التحديث عنها، مشيرة ل”كود” إلى أن كل ما يملك مؤسس يومية “أخبار اليوم” في إسم زوجته أسماء، وذلك منذ أولى سنوات زواجهما.
دبا اللّي باين أن هاد المشتكيات اللي بغاو يتغناو فهاد البيعة وشرية تقولبو. فقد أضافت المصادر نفسها ل”كود” “توفيق معندوش حتى الدار وحتى الطونوبيل لي كانت عندو ماشي ديالو ولا يملك شيء منها وكولشي ديال أسماء مراتو. والمؤسسة ديال أخبار اليوم باعها”.