فاجعة “بوقنادل”.. عاجل.. القضاء يستدعي الممثل القانون ديال لONCF والمحاكمة ديال الشيفور تأجلات وها علاش

علمت “كود”، من مصادر مطلعة، أن المحكمة الابتدائية بمدينة سلا، قررت زوال اليوم الثلاثاء، تأجيل المحاكمة ديال العربي الرشي الشيفور ديال تران بوقنادل واللّي تقلب قبل أيام وماتو فيه 7 ديال عباد الله وعشرات الجرحى.
ووفق ما كشفت عنه مصادر “كود”، فإن هاد القضية اللّي روعات المغاربة تم تأجيلها إلى غاية 27 نونبر الجاري. التأجيل ديال الملف، حسب مصادر “كود”، جاء لاستدعاء الممثل القانوني ديال المكتب الوطني ديال السكك الحديدية، مع البث فباقي الملتمسات ديال الدفاع.
هذا، وينتظر أن تبث هيأة الحكم فالملتمس اللي تقدم بيه دفاع المتهم اليوم الثلاثاء والرامي إلى تمتيع موكله بالسراح المؤقت.