اللوبي الجزائري مسيطر على ضيوف “فرانس 24” بالعربية. حلقة فيها 3 كلهم بوليساريو ضد المغرب

فرانس 24″ بالعربية ولات صوت ديال الجزائر فقضية الصحراء. البارح كان برنامج “النقاش المغاربي” كتقدمو واحد المعتوهة المغربية اسمها دنيا نوار. تصورو هاد الحلقة خصصت لاخر تقرير لكولر المبعوث الشخصي للامين العام للامم المتحدة المكلف بالصحراء وجابت صاجبتنا او جابت الدولة الفرنسية 3 ضيوف منهم الصحافي السابق في “الاولى” راضي الليلي وواحد من تونس واحد اخر فالبلاطو كلهم ضد المغرب.
من حقهم يكونو مع البوليساريو من حقهم يكونو مع الجزائر لكن ما من حقش قناة كيعطي الدروس تاخد هاد الموقف.
دابا حتى الصحافيين المغاربة اللي خدامين تماك غاديين يتحرجو. ما كانش المهنية ما كانش الحياد ما كانش الصحافة. كانت البروناگاندا.
النقاش المغاربي ما كانش كان نقاش جزائري يدافع عن البوليساريو.
واش الخارجية الفرنسية اللي كتحكم فهاد القناة لاعبة شي لعب ولا غير الصيف وحتى حد ما كان ودار اللوبي الجزائري فالقناة خدمتو والغريب استغلو مذيعة مغربية عندها درجة كبيرة من الغباء