حمدي ولد الرشيد عمدة العيون يسرد ل"كود" ما حدث في لقائه مع مؤسسة كيندي: كلت ليهم واش انتوما منظمة حقوقية ولا منظمة تابعة للبوليساريو وعطيتهم هدايا باللي شفتهم تفهمو الموقف المغربي

كيف مر لقاء الاثنين مع مؤسسة كينيدي لحقوق الانسان؟
اللقاء كان مزيان. جاو هما عشرة وكانو فاللول متوترين وعندهم موقف وفالاخير ولاو مرخوفين وفهموا الرسالة ديالنا
ما جبدتوش معاهم قضية عقد لقاءات فبيت اميتاتو حيدر في مؤسسة خاصها تكون محايدة؟
هاد النقطة ونقاط اخرى جبدناها. تعرف هاد المنظمة مرتبطة باميناتو ومرتبطة مع كلشي اللي خدامين ضد الوطن. تلقاو ليهم فالمطار وتلاقاو مع الناس فدار اميناتو. كلت ليهم انتوما منظمة حقوقية ماشي منظمة حقوقية ديال البوليساريو وخاصكم تسمعو لصوت الاغلبية
واش تفهموا هاد الخطاب؟
طبعا فهموه بللي خبرناهم باللي اميناتو حاملة لجواز سفر مغربي واخا كتكول فالمغرب اللي ما يتكالش وما عمر شي واحد حبسها وجيمي=الغالية= موظفة مغربية
وخبرتهم باللي كاينين صحاب البوليساريو كيمشيوا اسبوعيا للجزائر وما عندهم حتي مشكل