بهاد نتائج التحقيق على اللي سرب فيديو حامي الدين. البي جي دي زمن بنعرفة يوجد لطردو على قبال “الملكية كيف هي اليوم معيقة للتنمية ،،،

اللي شاف نتائج “لجنة التحقيق المكلفة من طرف الأمين العام لحزب العدالة والتنمية” للتحقيق في نشر فيديو يهم مداخلة عبد العالي حامي الدين في الحوار الداخلي للحزب٬ كيبان ليه باللي الهدف الاول منو هو تبرئة تيار الاستوزار اللي متحكمين بالحزب والتمهيد لاتخاذ قرارات خايبة ضد حامي الدين.
النتائج نشرها موقع الحزب قالت باللي تم الاستماع لمجموعة من المسؤولين والمستخدمين بقسم الإعلام، بهدف تحديد المسؤوليات عن نشر هذه التسجيلات”
وانه “ثبت …أنه ليس هناك ما يفيد وجود سوء نية في نشر بعض تسجيلات اليوم الأول من الحوار الداخلي بقصد التسريب أو التجزيء أو الانتقائية، وأن ما وقع خطأ مهني جسيم من طرف أحد المسؤولين بإدارة الموقع الإلكتروني للحزب pjd.ma يتمثل في عدم الاطلاع والمصادقة قبل النشر للعموم، مخالفا بذلك المسطرة المعتمدة بالحزب”.
وباللي “الهيئات المختصة سترتب الجزاءات اللازمة في الموضوع”.
اش كيعني؟ اللي خرجو ما دارش خطأ. اللي دار خطأ هو تصريح عبد العالي حامي الدين اللي قال من جملة ما قال ان الملكية بشكلها الحالي معيقة للتنمية وللديموقراطية بالمغرب. هاد الشي قالوه قادة الحزب كلهم تقريبا. بطريقة مختلفة وصافي. باش طالب بالاصلاحات راه كيعني خاص تعديل دستوري يمس صلاحيات الملك. باش تطلب الاعداد لملكية برلمانية راه نفس الشيء.
اللي مثير ان هاد البيان خرج بالتزامن مع اجتماع الامانة العامة للحزب واللي هدر بزاف على هاد القضية. ثم كان تصريح لابن عرفة باسلوب متخلف بزاف كيقول اللي ما عندوش مع الملكية ما عندو ما يدير مع الحزب. شوفو التخلف كيف داير. حورو كلام السيد وبين الانبطاح لكبير ديال هاد الشخص اللي يوم بعد يوم كيوضح النيفو ديالو الطايح فتدبير الشأن العام. جماعة بزاف عليه ماشي رئيس حكومة