الازمة ما بغاتش تسالي فكاتالونيا. راخوي: ما يمكنش لمبحوث عليه يولي رئيس حكومة ورئيس البرلمان الكاتالوني: بيگديمون اللي بغيناه ولا احد غيرو

اليوم نايضة فكاتالونيا. المعركة ماشي فالشارع ولكن سياسية. رئيس الحكومة الاسباني ماريانو راخوي دار وسائل الاعلام هاد الصباح باش يقول باللي "القانون والسياسة يجب أن يرتكزا على الحس السليم" وذلك في إشارة منه إلى قرار المحكمة الدستورية بتعليق إمكانية التنصيب عن بعد لكارليس بيغدومون كرئيس محتمل للحكومة المحلية لإقليم كتالونيا .
واضاف ما يمكنش لواحد مبحوث عليه وهارب من العدالة يولي رئيس حكومة في اشارة لنفس المسؤول. واتهمه بتصفية السيادة والوحدة الوطنية.
راخوي ركز على قرار المحكمة الدستورية وقال باللي هاد القرار واضح واشار "دولة القانون وكذا كل التشريعات والدستور والقضاء " لا تزال لحسن الحظ تحترم في إسبانيا " .
وقال ماريانو راخوي " طالما كنت رئيسا للحكومة (…) سأعمل جاهدا على احترام أهم التزاماتي وهي ضمان الوحدة الوطنية " مضيفا أن هذا هو الالتزام الرئيسي لكل رئيس حكومة .
بعد ذلك بدقائق اعلن رئيس البرلمان الكاتالوني خوسي تورينت اللي كان من المفروض ينتخب رئيس حكومة هاد المنطقة باللي رئيسهم للي اختاروه هو كارليس بيغدومون وباللي ما يمكنش يقبلو غيرو وطبعا قال باللي غادي يكملو المعركة القانونية حتى يرجع زعيمهم من بروكسيل ويجي للبرلمان باش يكمل الاجراءات
الرئيس السابق لحكومة كاتالونيا هارب هادي مدة هو وشي مستشارين معاه فنفس الحكومة ببروكسيل وحكومة مدريد تطالب به لمحاكمته. يعني هاد القضية ديال استقلال كاتالونيا مازال فيلم طويل