بنعطية غادي العب مع الأسود ضد الكوت ديفوار واخا كيعاني من الإصابة

أطهرت الفحوصات الطبية لخضع ليها المغربي المهدي بنعطية المحترف بفريق جيفونتيس، والعميد ديال المنتخب الوطني أنه غادي اغيب للأسبوع أو 10 أيام على أبعد تقدير، وغاد ارجع باش اشارك مع الفريق ديالو في المباريات ديال الدوري الإيطالي لكرة القدم.
وأكدت الفحوصات أن الإصابة ديال بنعطية ماشي صعيبة، وأنه غادي ارجع للتداريب وغادي العب مباريات في الدوري الإيطالي قبل ما يسافر للمغرب باش اشارك في التجمع التدريبي للمنتخب الوطني.
وغادي اكون بنعطية حاضر في الماتش ضد الكوت ديفوار، في كامل اللياقة البدنية ديالو لأنه غادي اكون لعب بعض المباريات، خصوصا أن المباراة ضد المنتخب الفيلة غادي اكون في 11 من نونبر المقبل، يعني باقي هناك فترة باش ارجع للميادين.
والحضور ديال بنعطية مهم في المباراة المقبلة لأنها مباراة حاسمة في التأهل لكأس العالم، والمغرب محتاج للتجربة ديالو في خط الدفاع، خصوصا أنه يعتبر القائد ديال الميدان، ومن أقدم لاعبي المنتخب الوطني.