الأسود غادي امشيو يومين قبل لكوت ديفوار باش اتأقلموا مع الأجواء

قرر الناخب الوطني هيرفي رونارد، أنه امشي للكوت ديفوار مع المنتخب الوطني يومين قبل الماتش ضد الكوت ديفوار لغادي اكون حاسم في التأهل لكأس العالم للأندية.
وغادي اسافرو الأسود للكوت ديفوار في 9 من الشهر المقبل لأن المباراة غادي تجرى في 11 من الشهر نفسه، وغادي اجيرو الأسود حصة تدريبية واحدة في الملعب لغادي العبوا فيه المباراة، باش اكتاشفوا العشب ديالو قبل الماتش.
وقررت الجامعة أن السفر ديال الأسود اكون عبر طارة خاصة باش اتفادوا الإرهاق، وباش ميبرزطهم حتى واحد، كما أنهم غادي اديو معاهم كلشي الماكلة وطباخ خاص باش اطيب للاعبين الوجبات خوفا من وقوع أي مشكل لأي لاعب.
وغادي تعرف المباراة حضور عدد كبير من الجماهير لتشجيع المنتخب الوطني، سواء لغادي اسافروا من المغرب، أو لغادي اجيو من البلدان الافريقية المجاورة للكوت ديفوار.