ميرسك تلاحق صحيفة دنماركية قضائيًا بعد اتهامات باطلة بشأن شحنات أسلحة إلى إسرائيل.. وجهات معادية تقف وراء استهداف ميناء طنجة    الجيش الإسرائيلي يقر بحصول "إخفاقات مهنية متعددة" في واقعة مقتل 15 مسعفا في غزة    نهضة بركان يضع قدما في النهائي بتغلبه على النادي القسنطيني الجزائري برباعية نظيفة    الثانوية التأهيلية المجد بامطل تختم فعاليات الدورة الأولى للأيام الثقافية للمؤسسة    البوليساريو... الذراع العسكرية لإيران في شمال إفريقيا برعاية جزائرية    الأمن يتفاعل بسرعة مع أحداث عنف في القصر الكبير ويوقف ثلاثة مشتبه فيهم    الحسيمة.. انعقاد الاجتماع التشاوري الأول حول مخطط التدبير التشاركي للفرشة المائية غيس – النكور    المدرسة الوطنية للتجارة والتسيير بجامعة وجدة تشهد تأسيس أول نادٍ سينمائي    خمس لاعبين مغاربة ضمن التشكيلة المثالية لكأس إفريقيا للفتيان    مغاربة داعمون للقضية الفلسطينية يحتجون أمام ميناء "طنجة المتوسط"    ابن تمسمان الأستاذ سعيد بنتاجر، يقارب الذكاء الاصطناعي والبحث العلمي في معرض الكتاب بالرباط    ترامب يعيد هيكلة الخارجية الأمريكية    تفاصيل حريق المسبح البلدي بالناظور    الدرك يطيح بأحد كبار مروجي الخمور باقليم الدريوش    "نداء القنيطرة" يدعو لإصلاح الإعلام    أفاية: قراءات اختزالية تستهدف "النقد المزدوج" عند عبد الكبير الخطيبي    فتح بحث قضائي لتحديد ظروف وفاة طفلين في حضانة غير مرخصة بالدار البيضاء    لقاء إقليمي بالحسيمة يسلط الضوء على آفاق الاستثمار في إطار قانون المالية 2025    برلماني يسائل وزير الفلاحة حول توتر العلاقة بين أعضاء من الغرفة الفلاحية والمديرية الإقليمية بطنجة    الربيع الأمازيغي يُوحّد الشعارات ويُقسّم الساحات.. احتجاجات بالرباط ومراكش تندد بتهميش اللغة والهوية    مستشار ترامب: الاعتراف الأميركي بسيادة المغرب على الصحراء لا لبس فيه    المغرب يتصدر صادرات الفواكه والخضروات عالميًا: ريادة زراعية تنبع من الابتكار والاستدامة    مقاولون يقاضون "التيكتوكر" جيراندو بالمغرب وكندا بتهم التشهير والابتزاز    السعدي: الحكومة ملتزمة بتعزيز البنية التحتية التكوينية المخصصة للصناعة التقليدية    القوات المسلحة تُكوّن ضباطًا قطريين    "موازين" يواصل جذب نجوم العالم    منتدى الصحراء للحوار والثقافات يشارك في فعاليات معرض "جيتكس إفريقيا"    القفطان يجمع السعدي وأزولاي بالصويرة    الجامعة الملكية المغربية لكرة القدم تحتفي بالمنتخب الوطني لأقل من 17 سنة إثر تتويجه باللقب القاري    الفنان الريفي عبد السلام أمجوظ يتألق في مسرحية سكرات    عبد العزيز حنون يدعم البحث في اللسانيات الأمازيغية بأطروحة حول التمني بأمازيغية الريف    تفاصيل اجتماع نقابات الصحة مع مدير الوكالة المغربية للدم ومشتقاته    بعد القرار الأمريكي المفاجئ .. هل يخسر المغرب بوابته إلى السوق العالمية؟    "الكاف" يختار المغربي عبد الله وزان أفضل لاعب في البطولة القارية للناشئين    الأرصاد الجوية تتوقع نزول زخات مطرية متفرقة اليوم الأحد    بنكيران: الأمة بكل حكامها تمر من مرحلة العار الكبير ولا يمكن السكوت على استقبال سفن السلاح    الآلاف يتظاهرون ضد ترامب في الولايات المتحدة: لا يوجد مَلك في أمريكا.. لنُقاوِم الطغيان    الاتحاد الوطني للشغل يدعو إلى تعبئة شاملة في فاتح ماي    " هناك بريق أمل".. رواية جديدة للدكتورة نزهة بنسليمان    ندوة علمية تناقش الحكامة القضائية    الكوكب يسعى لتحصين صدارته أمام الدشيرة والمنافسة تشتعل على بطاقة الصعود الثانية    دراسة تدعو إلى اعتماد استراتيجية شاملة لتعزيز الأمن السيبراني في المغرب    الأساتذة المبرزون يحتجون الخميس المقبل    لقاء يناقش دور المجلس الأعلى للحسابات في تتبع تنفيذ أهداف التنمية المستدامة    الكشف عن نوع جديد من داء السكري!    دورة برشلونة لكرة المضرب: ألكاراس يتأهل للمباراة النهائية    برشلونة يضع المدافع المغربي إدريس أيت الشيخ تحت المجهر … !    مغرب الحضارة: حتى لا نكون من المفلسين    لماذا يصوم الفقير وهو جائع طوال العام؟    أنور آيت الحاج: "فخور بمغربيتي"    قناة إيرلندية تُبهر جمهورها بسحر طنجة وتراثها المتوسطي (فيديو)    ‪ بكتيريا وراء إغلاق محلات فروع "بلبن" الشهيرة بمصر‬    تزايد حالات السل اللمفاوي يسائل ضعف مراقبة سلاسل توزيع الحليب    وداعًا الأستاذ محمد الأشرافي إلى الأبد    بيانات تكشف ارتفاع الإصابة بالتوحد وكذلك زيادة معدلات تشخيصه    أكادير يحتضن مؤتمر التنظير عنق الرحم وجوف الرحم والجهاز التناسلي    قصة الخطاب القرآني    المجلس العلمي للناظور يواصل دورات تأطير حجاج الإقليم    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



حلقات " كريمة و بوجمعة" حصريا على " كَود" الحلقة السادسة: " ....ماكايناش جهنم جوج مرات"
نشر في كود يوم 06 - 04 - 2014


ضرباتني الفيقة بكري، نيشان مع وقت د الخدمة .

يلاه بغيت نجمع الوقفة و انا نتفكر بلي رجليا منفوخين و جالسة فالدار . فقت البارح مكنقدر نزيد بيهم . داني بوجمعة لسبيطار الحومة .تما عطاوني دوا و راديو اخر . مشينا للفارماصي قالوليه ستاش الف ريال. نزلات عليا الغمة . منين غنجيب فلوس هاد الدوا و الا مداويتش رجلي كل نهار كتنفخ كتر و مغديش نقدر نرجع للخدمة.

دبا كل نهار تينقصو ليا مية درهم و الا فت تلتيام غايشوفو شي حد فبلاصتي . ما فيهم رحمة بنادم على رجليه و لا ناعس فسبيطار . الخدمة هي الخدمة .
تفكرت واحد الدري الشهر لاخور طاح من ديك المكينة ديال مسيح الجاج، معقلوش عليه مسكين . جراو عليه و معطاوه تا ريال . هدا طاح ليهم فوسط الخدمة . كيتي انا اللي طحت نهار الحد .
ضرب ليا رجليا و انا نفيق كنغوت . كانت فيه ريحة الشراب و الكارو . كنت باغا نمشي لدارنا ساعة دبا متنقدر نتحرك تا فبلاصتي عاد غنشد شي كار. هنا بقيت . وجهي وجه شي دار و لا زبل. بقيت فوق الفراش تنشوف الفوق .السقف كحل و الدار كلها غاملة .
متكونش بحال دارنا فتادلة. قشلة د بنادم فالضيق و ديك البراكة مغطية بقصديرة غي يتحرك الريح و الشتا تحسها بها غطيح ليك فوق راسك.

بوجمعة ناعس. تانا بغيت نرجع نعس.. ساعة والو، ساعتي هي ساعتي ولفت عليها . شحال كنت تنقول فراسي كوغي نصبح ناعسة حداه . كان تيعجبني الفراش فالصباحات . دبا محملاهش .

بغيت غي نوقف على رجلي نرجع لديك دانون . توحشت الخدمة و عينيا اللي كيعماو و انا كنحزز ف القراعي. واخا الخدمة قاسحة و فيها التكرفيص وايني ماشي بحال هاد الجلسة فالدار بلا تا ريال و الرجلين منفوخين و انا عارفة راسي يانوض يا يجريو عليا و بوجمعة مخدامش و نهار يشفر كيجي كاعي . مفهمتش علاش ولكن ولفت هاد القاعيدة غي نشوفو معصب و كاعي و محاملش الوقت كنعرفو مكريسي الناس قبل ما يعاودليا شنو دار .

غنبقى النهار كامل مقابلة هادا تيشخر. كاريتة . نضت بشوية باش منطيحش . درت التفتيش ديال كل صباح . ملقيتش السروال . ناعس بيه، هاد ولد الحرام د بوجمعة . مبدلش حوايجه . رجعت ننعس فبلاصتي . حل عينه .

"-شحال فالساعة ؟
- عاد الصباح غي نعس.
-كاين شي صداع برا، غنوض نشوف شكاين تاني. "

لبس حوايجه . لاح ليا كارو واحد فوق الفراش. .

"- باش متنوضيش من بلاصتك . ولامقدكش را مخليتش من غيره .
- ياك غي غتشوف و ترجع؟"

مجاوبش. حل الباب و خرج. عييت بالجلاس. نضت ننفض المضربة واخا مكنقدش نوقف بزاف. تحت الخدية د بوجمعة لقيت كارو اخر و مكَانة عامرة بالدم .
تخلعت . هزيتها خبيتها تحت اللحاف على ما يجي. أيكون نساها، هو متيدخلش الحاجة مشفورة للدار. يلاه بديت نتكيف الكارو التاني تا هو ، سمعت الباب كيدق . متكون غي مولاة الكرا ، بوجمعة تفاهم معاها تزيدنا يومين و تكون كعات دبا. محليتش الباب. الدقان غادي وكيتجهد. هي عارفاني متنكونش فهاد الوقت و بوجمعة نعاسو خفيف مغايدقش هاكا.
باش يلاه جيت عند بوجمعة أول مرة قاليا أنه شفار و أن العيشة معاه خايبة و مغتعجبنيش . و الا عجباتني و بغيت نبقا و لا معجباتنيش وايني بغيت نبقا واخا هّكاك، غي نسمع صوت شي سطافيط و لا نشم ريحة البوليس نتخشى فالكابينة. دبا ولفت البوليس داخلين خارجين علينا، كل ساعة يديكلاري شي بنادم يجيو يديو بوجمعة . البارح كان كاعي ، تفكرت المكانة اللي عامرة بالدم . هزيتها درتها فالقرعة اللي نتخشيو فالكابينة . هزيت القشابة و دخلت للكابينة و تخبيت مور الباب و خليت النص دياله محلول، إلا سديته يعرفو شي حد لداخل . تكورت فواحد القنت . قلبي تيزدح و رجليا تيضروني . شوية و سمعت الساروت تيدور. بقيت فبلاصتي .

"-فين مشات هادي ؟"

غي بوجمعة. خرجت كنعرج لعنده. جاب معاه ميكة د الدوا. قلتليه را كان الدقان. بقا تيشوف فالباب:

" - الا كانو صحاب الحال كون فرعو داك الباب و لا يتسناوني تنجي. دوزي تشربي الدوا . جبتليك تا دانون ."

دانون، كل نهار تنشوفه و تنشبع غي من ريحته، وليت الا مشميتش ريحته تنحس براسي مقطوعة ، تقول كنتكيفو . مكليتش دانون بزاف لا فاش كنت بزقولة و لا فاش كبرت. مكنش عنا الفلوس و دبا واخا جيت الرباط باقي معناش الفلوس.
بوجمعة شي مرات كيشريلي دوك الحجات الغاليين باش ندوق منهم . تيقوليا "باش فاش تمشي للجنة تكوني دايقاهم و متضعيش الوقت فالدوقان".
تنضحكو انا و ياه و يقوليا " عارفك فاش تتفكري وايني غي تهناي ماكيناش جهنم جوج مرات. "
شفت الميكة د الدوا فكرت فداك الراديو اللي خصني ندير و الخدمة اللي باينة غيجريو عليا منها ، مولاة الكرا ، البوليس ، الحبس، تادلة و دارنا، الخبز واتاي و اللوبيا و الحمص... جلسنا للأرض،كليت دانون و انا تنقول لبوجمعة :

"-ماكيناش جهنم جوج مرات...."

كريمة.


انقر هنا لقراءة الخبر من مصدره.