حتى الاهلي كيطالبو بتأجيل ماتشهم فشومبيونزليك حيث طيارتهم دخلها فيها كاميو

ماشي غير ماتش الوداد الرياضي ضد كلاكسي البوتسواني فالجولة الخامسة من دوري ابطال افريقيا، اللي ممكن يتأجل ولكن حتى ماتش الاهلي المصري ضد ميدياما الغاني حتى هو فالطريق ديالو للتأجيل ولاسباب متشابهة تقريبا.
الليلة الماضية دارت طيارة الاهلي المصري اللي مسافرة ببعثة الفريق من مصر إلى غانا، دارت كسيدة فمطار مدينة أكرا الغانية، بعدما دخل فيها شي كاميو ملي كانت كتوجد باش تقلع وتشد الطريق لمدينة كوماسي الغانية فين غيتلعب الماتش بين الاهلي وميدياما الغاني.
وتقدمت ادارة الاهلي المصري حسب وسائل إعلام مصرية، بطلب للاتحاد الافريقي لكرة القدم، لتأجيل ماتش الفريق ضد ميدياما ليوم واحد من الجمعة إلى الخميس، والكاف باغيين على حالة طيارة الاهلي، وانه كاينة امكانية لتأجيل الماتش من الجمعة حتى للسبت، مع العلم ان الاهلي شدو الطريق غير دابا شويا من أكرا لكوماسي فطيارة اخرى بعدما باتو البارح فأوطيل بأكرا بسبب الحادث اللي وقع للطيارة، وحسب النادي المصري فالبعثة ديالو مكارفصين.
وللإشارة فالوداد الرياضي حتى هما رسلو طلب إلى الاتحاد الأفريقي لكرة القدم، لتأجيل ماتش الفريق ضد كلاكسي البوتسواني من السبت إلى الاحد عن نفس الجولة من دوري أبطال افريقيا، حيث السلطات البوتسوانية مازال ما عطاتش ترخيص لطيارة بعثة الفريق الأحمر بالنزول فبوتسوانا.