الركراكي كيدرب المنتخب على الجو قبل ماتش الكونگو

كيواصل المنتخب الوطني المغرب الاستعدادات ديالو لمواجهة منتخب الكونگو الديمقراطية، ضمن الجولة الثانية من دور مجموعات كاس أفريقياً المنظمة فالكوت ديفوار.
وكيدير المنتخب الوطني المغربي فهاد اللحظات حصة تدريبية فملعب التداريب، حيث اختار الناخب الوطني وليد الركراكي تكون الحصة فنفس الوقت اللي غيكون فيه الماتش ضد الكونكو الديمقراطية، اي مع 2 النهار بالتوقيت الايفواري، باش اللاعبين يولفو على الجور والحرارة والرطوبة اللي طالعين.
ومازال عند المنتخب الوطني المغربي حصة تدريبية اخيرة قبل ماتش الكونكو الديمقراطية اللي غيتلعب الاحد الجاي، وغتكون الحصة التدريبية، غدا السبت فملعب التداريب.