الأسود شدو الطيارة للكوت ديفوار وهما ناشطين وها البروكرام ديالهم فأبيدجان – تصاور)

سافر المنتخب الوطني المغربي اليوم الأربعاء إلى الكوت ديفوار، باش يلعب مع المنتخب الإيفواري ماتش أميكال السبت الجاي فأبيدجان.
وبعدما دارو حصة تدريبية اليوم فالصباح وارتاحو وتغداو، شدو لاعبين المنتخب المغربي والطاقم التقني ديال وليد الركراكي الطريق فالكار من مركز محمد السادس لكرة القدم إلى مطار الرباط سالا، وخداو منو الطيارة الخاصة اللي طارت بهم غير دابا شوية ديريكت لأبيدجان عاصمة الكوت ديفوار.
ومن المنتظر يوصل المنتخب الوطني المغربي اليوم بالليل للكوت ديفوار وتمشي البعثة لفندق إقامتها فأبيدجان باش اللاعبين يرتاحو من عيا السفر، وغدا الخميس يديرو حصة تدريبية أولى فالكوت ديفوار، وغتكون عندهم حصة ثانية الجمعة الجاي هي الأخيرة قبل الماتش اللي غيتلعب السبت الجاي.