وسط أجواء حماسية الوداد كيوجدو لصن داونز وجميع اللاعبين تدربوا

كيواصل الوداد الاستعدادات لمواجهة صن داونز الجنوب إفريقي برسم إياب دومي فينال عصبة أبطال إفريقيا، وتدرب الفريق المرة الثانية اليوم الخميس ببريتوريا.
الحصة التدريبية الثانية للوداد الرياضي عرفت مشاركة كل اللاعبين، وحتى جلال الداودي وسيف الدين بوهرة اللي ما قدروش يكملو التداريب فالحصة د البارح شاركو فالحصة التدريبية ديال اليوم اللي دازت فاجواء عادية واللاعبين كانوا ناشطين ومتحمسين.
ومازال عند الوداد الرياضي حصة تدريبية أخيرة قبل الماتش ضد صن داونز الجنوب إفريقي، وغتكون غدا الجمعة بنفس التيران اللي غيتلعب فيه الماتش بين الفريقين ببريتوريا السبت الجاي.