ما كايناش الراحة عند الأسود.. الركراكي خدام مع اللاعبين صباح وعشية وها جديد ليكيب ناسيونال قبل السفر لتنزانيا

دخلو لاعبين المنتخب الوطني المغرب كيتدربو هذه العشية ضمن الاستعدادات ديالهم فالمعسكر بمركز محمد السادس بالمعمورة، استعدادا لمواجهة تنزانيا ضمن الجولة الثانية من إقصائيات مونديال 2026.
وبدات قبل لحظات حصة تدريبية جديدة ديال ليكيب ناسيوال وهي الثانية للمنتخب المغربي اليوم الاربعاء بعدما تدربو الأسود صباح اليوم، حيث قرر الناخب الوطني وليد الركراكي يرفع من ريتم الاستعدادات باش اللاعبين يبقاو واجدين من جميع النواحي ذهنيا وبدنيا، حيث ما لاعبين حتى ماتش هذه السيمانة، والماتش ديال تنزانيا غيكون حتى الثلاثاء الجاي.
وكتعرف الحصة التدريبية اللي بدات قبل قليل فتيران التداريب فمركز محمد السادس لكرة القدم، مشاركة جميع اللاعبين وخدام معهم الناخب الوطني والطاقم ديالو وسط اجواء زوينة وحماسية، مع العلم ان الركراكي برمج غدا الخميس حصة تدريبية فالعشية غتكون مفتوحة لوسائل الاعلام لتقريب الجمهور المغربي من اجواء استعدادات لكيب ناسيونال الجمعة الجاي لتنزانيا.