إسماعيل الصيباري: الأجواء زوينة فالمنتخب فالكوت ديفوار.. الإيفواريين عندهم لاعبين مزيانين والماتش غيكون زوين

شكر الدولي المغربي إسماعيل الصيباري، الجماهير المغربية والإيفوارية اللي استقبلت ليكيب ناسيونال ملي وصلت للكوت ديفوار، استعدادا لمواجهة المنتخب الإيفواري السبت الجاي فماتش أميكال.
وتحدث إسماعيل الصيباري فتصريح للموقع الرسمي للجامعة الملكية المغربية لكرة القدم، وقال: "استقبلونا فالكوت ديفوار مزيان سوا الجمهور المغربي أو الإيفواري".
وزاد وضح الصيباري وقال: "لجو مختلف على جو المغرب وأوروبا ولكن عجبني الحال، الماتش غيكون زوين حتى هما عندهم لاعبين مزيانين كيلعبو ففرق كبار فأوروبا".
للإشارة فالمنتخب الوطني المغربي غيدير اليوم الجمعة فالعشية أخر حصة تدريبية له قبل ماتش الكوت الديفوار، وقبل منها غتكون ندوة صحافية للناخب الوطني وليد الركراكي.