الكاف اختارو النجم المغربي أشرف حكيمي لسحب قرعة كأس إفريقيا "الكوت ديفوار 2023"

غيشارك الدولي المغربي أشرف حكيمي نجم باريس سان جيرمان الفرنسي فعملية سحب قرعة كأس إفريقيا للأمم "الكوت ديفوار 2023′′، وهي القرعة اللي غتكون اليوم الخميس بالعاصمة الإيفوارية أبيدجان.
واختار الاتحاد الأفريقي لكرة القدم 4 النجوم تاريخيين ديال كرة القدم الأفريقية، فيهم اللي اعتزل وفيهم اللي مازال كيلعب، وكيتعلق الأمر بالمغربي أشرف حكيمي، والإيفواري ديدي دروكبا، والسنغالي ساديو ماني، والنيجيري ميكيل أوبا.
للإشارة، فالمنتخب الوطني المغربي كاين فالمستوى الأول من قرعة كاس إفريقيا، وراه غيكون الناخب الوطني وليد الركراكي حاضر حتى هو فالحفل، مع العلم أن الركراكي وأشرف حكيمي وصلو البارح فالليل للكوت ديفوار مع المنتخب المغربي باش يلعبو مع الإفواريين ماتش أميكال السبت الجاي.