المنتخب المغربي غيعرف الخصوم ديالو فكوب دافريك "الكوت ديفوار" قبل من الماتش مع المنتخب الإيفواري

غيعرف المنتخب الوطني المغربي الخصوم ديالو فكأس إفريقيا "الكوت ديفوار 2023′′، الخميس الجاي.
وغتبدا قرعة كأس إفريقيا فالعاصمة الإيفوارية أبيدجان الخميس الجاي مع 8 الليل بالتوقيت ديال المغرب.
وكاين المنتخب الوطني فالتصنيف الأول ديال قرعة كأس إفريقيا "الكوت ديفوار"، اللي كتعرف مشاركة 24 منتخب.
وغيتفادا المنتخب المغربي فالدور الأول مواجهة منتخبات السنغال، تونس، الجزائر، مصر، الكوت ديفوار، حيث معه فنفس النيفو.
وكتجي قرعة كأس أفريقيا بالكوت ديفوار يوم الخميس الجاي، أي قبل يومين من الماتش أميكال د المنتخب المغربي مع المنتخب الإيفواري اللي غيكون فالكوت ديفوار السبت الجاي.