كشفات الأخت ديال المغنية الفرنسية العالمية سيلين ديون على تدهور الحالة الصحية ديال ختها، ولي غادية من سيء إلى أسوأ. وقالت الأخت ديال واحدة من أشهر المغنيين ف العالم أن سيلين كتعيش وضعية صعيبة ومابقاتش قادرة تتحكم ف العضلات ديالها، هذا بالإضافة إلى أنها كتعاني من مرض عصبي نادر بزاف. ف واحد الحوار ديالها مع 7 jours قالت خت سيلين ديون: "من نهار تم التشخيص ديالها بمرض التيبس النادر، وهي فحالة خايبة، مابقاتش قادرة تسيطر على راسها، ولي كيضرني ف خاطري هو أنها كانت ديما منضبطة ف حياتها كلها". وضافت: "كل احلامنا هو أنها ترجع للمسرح، ولكن واش غادي تقدر؟ ماعرفتش صراحة". دابا كتعيش سيلين ديون فلاس فيغاس الميريكانية ودايرين بيها مجموعة ديال الأطبا المتخصصين ف هاد المرض العصبي النادر والخطير.
