عبير العابد بكل شجاعة: قرعت لأنني عندي مرض مزمن كيخليني نتف شعري -فيديو

من بعدما قرعات شعرها كشفت المغنية عبير العابد السبب، وهو مرتبط بمرض كتعاني منو ولي سميتو متلازمة نتف الشعر la trichotillomanie، وهادشي لي خلاها تقرع شعرها.
عبير العابد قالت في فيديوهات نشراتهم في حسابها على أنستكَرام أن هاد المرض المزمن كتعاني ملي كانت عندها 13 العام، وواخا حاولت توقف، ولكن الأمر صعيب حيت هو مرض نفسي قبل كل شيء، ولهذا مؤخرا قررت أنها تحسن شعرها.
عبير العابد قالت أنها عاشت فترة صعيبة خصوصا ان التشخيص ديال المرض ما كانش صحيح وحتى المحيط ديالها ما تقبلوهش، ومع المغاربة مكيفهموش مزيان فهادشي كان كينعتوها بالحمقة، وهادشي لي خلاها في أكثر من مرة تلصق البيروك باش تبان عادية قدام الناس.
عبير قالت أنها في الأخير قررات أنها تواجه مرضها والمجتمع لي كيشوف في شعر المرأة شي حاجة ضرورية وأنها تحيد الشعر بمرة وتعيش عادية حتى تتعالج من المرض بكل شجاعة..