عبير براني: أطباء مشهورين بغاو يديرو لي التجميل ورفضت.. وها العمليات لي درت

البلوگوز عبير براني ديما كتلقى تعاليق على صورها لي كتحط في انستكرام فيهم انها دايرة التجميل، وهادشي خلاها ترد على المعلقين.
وقالت عبير أنها مدارتش عملية تجميل للجسد ديالها، وأنها دارت فيلر تحت عينيها باش يتحيدو ليها الهالات السوداء، ونفخات فمها وهادشي شاركاتو مع المتتبعين بشكل مباشر ومعندهاش لاش غادي تنكر أو تخبي الأمر بما أنها مقتنعة 100%.
وأكدات المتحدثة أن أطباء تجميل مشهورين بغاو يديرو ليها عمليات لجسدها فابور وتخلص من الفوق على الاشهار لكن هي رفضات لأن فورمتها عاجباها ومكتفكرش تبدلها.
وكانت عبير دارت الجدل بعدما بانت بصورة فالتايلاند بمايو سترينك وناض عليها النحل وقالو أنها كبرات مؤخرتها، لكن هادشي نفاتو وقالت ان الصورة تحطات بالخطأ في الكونت ديالها.