بغات تفركس وهي تكلحها.. بنت عمات بسبب تاتواج فالعين

فتاة أسترالية عمات بعدما دارت تاتواج في عينها.
الشابة لي سميتها أمبر لوك قالت “الألم كان صعيب بزاف، ملي المادة دخلات لعيني، حسيت بحال الزاج دخل وسطهم. درت تاتواج في عيني 4 ديال المرات بلا مشكل، لكن هاد المرة مصدقش ومشا ليا الشوف”.
لوك خسرات على راسها آلاف الدولارات باش تحول إلى تنين بشري أبيض اللون بعينين زرقين، ووشمات لحم جسدها كامل في الكحل.
هاد الشابة قسمات لسانها على جوج وكبرات الشحمة ديال وذنيها، ورسمات كثر من 200 تاتواج في جسدها، زيد عليها كبرات صدرها ونفخات شنايفها.
وخسرات لوك على راسها حوالي 18 ألف دولار باش دير العمليات والوشم، ومازال ناوية تخسر كثر باش توصل للحلم ديالها وتولي تنين أبيض بعينين زرقين.