نهيلة “باربي المغرب” منوضاها صباط مع منتحلة شخصيتها كتهدر باسمها -تصاور

نهيلة أملقي لي مشهورة ب”باربي المغرب” دايرة حرب حقيقية على كونط انستكرامي كينتاحل شخصيتها ويدوي باسمها. المغربية لي مستقرة في دبي ولي رجعات ليها بعد الكسيدة لي قتلات فيها جوج دراري في مراكش، حطات تصاور ديال الكونط وطلبات من الآلاف ديال متابعيها يسينياليوه.
وقالت نهيلة أن صاحبة الحساب بلوكاتها من حسابها الحقيقي باش تبقى تنتحل شخصيتها وهادشي ضرها، لأنها كتدوي مع الناس باسمها، وأكدات أن ماعندهاش مشكل مع المعجبين لي كيديرو صفحات باسمها لكن استغلالها شخصيا لا.
ووصفات صاحبة الكونط ب”البسيكوبات” وطلبات منها تعيش حياتها عوض تعيش بحياة ناس اخرين. ومن بعد التبليغات الكثيرة انستكرام طير الكونط، ونهيلة بردات.