من بعد 8 شهور ديال التوجاد.. سيلين ديون أجلات السپيكتاكل ديالها بسباب المرض – بلاغ

علنات المغنية الكندية سيلين ديون أنها غادي تأجل عروضها في لاس فيكَاس الميريكانية حيت مريضة.
ووضحات سيلين أن عندها تشنجات عضلية قاصحة اللي ماغاديش تخليها تتحرك وتغني كيف بغات.
وعلنات المغنية على الخبار في بوسط/بلاغ على صفحتها فموقع "أنستكَرام" وقالت أن قلبها كيضرها وكانت كتمنى تلاقا جمهورها.
وفهاد 8 شهور اللي دازت كانت سيلين ديون كتوجد مع ليكيپ ديالها للعرض، اللي كان من المفروض يدار فشهر نوقمبر الجاي، ولكن صحتها خانتها واضطرات فاللخر تأجل كلشي من بعد التشاور و الاتفاق مع المنتجين والجهات المنظمة.