رمزي: ها كيف دايرين الاجواء داخل الوداد وها الوضع الصعب اللي كندوزو منو وكلشي مزيان قبل ماتش لاسيك

كشف عادل رمزي مدرب الوداد الرياضي على السبب اللي مخلي الفريق يدوز من الوضع الصعب اللي فيه دابا، وهذا شي قبل مواجهة اسيك ميموزا الايفواري غدا السبت فأبيدجان ضمن الجولة 2 من كروبات دوري ابطال افريقيا.
وتحدث عادل رمزي خلال الندوة الصحافية اللي كتسبق ماتش الوداد الرياضي وأسيك ميموزا، على حالة الفريق والوضع الصعب اللي كيدوز منو، وقال: "الإرهاق الذهني والسبب فهاد الوضع السيء اللي كندوزو منو".
وبخصوص حظوظ الوداد الرياضي وصيف بطل دوري ابطال افريقيا، فدور مجموعات هذه النسخة، اكد عادل رمزي ان حتى حاجة ما تحسمت ومازال كلشي ممكن.
اما بالنسبة للأجواء اللي كتسبق ماتش الوداد الرياضي وفريق أسيك ميموزا الايفواري، فوضح عادل رمزي ان كلشي مزيان فالكوت ديفوار و تيران فيليكس بوانيي زرين والتنظيم احترافي.