الرجاء خدامين مع 2 مهاجمين كيوجدو فيهم

باغيين الرجاء الرياضي يرجعو اللاعبين المهدي موهوب ونوفل الزرهوني مع استئناف البطولة الاحترافية، اللي موقفة بسبب تواريخ الاتحا الدولي لكرة القدم.
وخدام الطاقم التقني للرجاء الرياضي مع المهاجمين المهدي موهوب ونوفل الزرهوني باش يوجدوهم بدنيا، بعدما خداو الموافقة من الطاقم الطبي للفريق للعودة إلى التداريب حيث تأكدو بلي براو من الإصابات اللي كانت عندهم.
وبرمج الطاقم التقني للرجاء الرياضي تمارين خاصة للثنائي الهجومي ديال الفريق باش يطلع من لافريشور فيزيك ديالهم، قبل ما يعطيهم الضو الاخضر يرجعو يتدربو مع الكروب بشكل عادي.
وباغيين الرجاء الرياضي يكون الثنائي المهدي موهوب ونوفل الزرهوني واجدين ملي تعرجه البطولة، بعد سيمانة تقريبا من دابا، باش يساهمو فحل مشاكل الفريق الهجومية، في انتظار الميركاتو الشتوي لتعزيز صفوفهم بمهاجم او جوج.