تصاور تلميذات عريانات مقادين بالذكاء الاصطناعي نوضو روينة فاسبانيا

البوليس السبليوني كيحقق في قضية التلميذات لي قادو ليهم تصاورهم وداروهم عريانات، ولكن معرفوش مول هاد الفعلة لي صيب هاد التصاور بالذكاء الاصطناعي وبارطاجاهم فكاع المدارس ودار ليهم الشوهة.
والأمهات ديال هاد البنات قالو أن كثر من 30 بنت ف 4 ديال المدارس لي مختالفة فبلدة "ألمندراليخو" بارطاجاو ليهم تصاور مقادينها بالذكاء الاصطناعي وكيبانو فيها عريانات، طلع ليهم الدم وعيطو للبوليس.
هاد خينا دارها قد راسو وبدا كيطلب الفلوس باش يحبس البرطاج ديال تصاور، والبوليس بدا كيحقق مع هادوك لي دايرين اليد فهاد الفضيحة، هادشي داروه بتطبيقات كتعتامد على التعلم الآلي لي كيدمج تصاور ديال الوجوه ديال الضحايا بتصاور إباحية من الإنترنت.