شير على الجمهور بميكروفون.. البوليس الميريكاني كيحقق مع فيفتي سنت حيت ضرب امراة فراسها

البوليس في مريكان بدا التحقيق بسباب الحادثة لي تسبب فيها مغني الراب فيفتي سنت "50 Cent" فاش كان داير حفل غنائي فهاد ليام لي دازو.
موقع TMZ قال إن مغني الراب "فيفتي سنت" ضرب مراة لراسها بالميكروفون فاش كان فالحفل الغنائي لي دارو فمسرح "Crypto.com" أرينا فلوس أنجلوس.
الفيديو كيبين الوقيتة لي فيفتي سنت لاح فيها الميكروفون وجابو فالراس ديال لمراة نيشان، مكانش قاصد يلوحو غير تعصب بزاف حيت ديما كيوقع ليه مشكل فالميكروفونات، ولكن معطلاتوش ومشات عند البوليس دارت بيه شكاية بتهمة الضرب العمد.
Damn, wth happened at his show tonight in LA that made 50 Cent throw a mic at someone in the crowd like this ???? pic.twitter.com/UogVxzc7PU
— nat ???? (@habibiting) September 1, 2023