بغا يضبر عليها ناض تعدا على بوليسي.. طالياني فضل يدخل الحبس ولا يبقى عايش مع نسيبتو

قرر طلياني عندو 52 عام يدخل الحبس على أنه يبقى ساكن مع نسيبتو في إقامتهم الجبرية بمدينة أستي (Asti) شمال غرب إيطاليا.
السيد حاول يجبد البوليس ويدير المشاكل غير هكاك، خصوصا مللي هرب من الإقامة الجبرية و من بعد جا سلم راسو للبوليس طواعية ولكن المحاولات ديالو كاملة مانجحاتش حيت مادارش شي حاجة اللي يستاهل يدخل عليها السيلون، من غير أن البوليس بداو معاه إجراءات باش يردوه للدار فاش كيدوز إيامو مع نسيبتو، وهادشي أصلا اللي طلع ليه هو ف راسو و مكفرو وباغي يتفك منو.
‏
والفكرة اللي جاتو من بعد هو أنه ناض ضرب واحد من البوليس اللي كانو معاه. ودابا تحكم عليه بعامين وشهرين ديال الحبس.
هاد المسخوط اعتاذر من قاضي التحقيق وقال ليه أنه ماكانش عارف أش كايدير ديك الوقيتة فاش ضرب البوليسي وبللي كان سكران و مفوت بزاف، لكنه اعتارف أن الأمل ديالو هو أنه يقدر يدخل الحبس ويرتاح من صداع مت مراتو و السكنى معاها.