البارصا فاليوم الوطني لكتالونيا: غنتبرعو بمساعدات إنسانية لضحايا زلزال الحوز

غيقدم نادي البارصا الإسباني مساعدات لضحايا زلزال الحوز، اللي تسبب فخطف ارواح كثر من 2000 مغربية ومغربي ملي ضرب الجمعة الماضي، وطيح كثر من 2000 مصاب.
نادي البارصا، كيخلد اليوم الاثنين 11 شتنبر، العيد الوطني ديال إقليم كتالونيا وكانت فيه عروض فساحات وشوارع المدينة، واستغل خوان لابورتا رئيس فريق البارصا الفرصة خلال الكلمة ديالو بالمناسبة، وعلن أن النادي غيقدم مساعدات إنسانية للمغرب تضامنا مع ضحايا زلزال الحوز، وأكد أن هذه التبرعات غتكون من خلال المؤسسات.
وإلى جانب البارصا، كاينة حملة تضامن عالمية كبيرة مع المغرب والمغاربة، بسبب فاجعة زلزال الحوز، وراه جات مساعدات من عدد ديال الدول الشقيقة للمغرب من بينها إسبانيا اللي رسلت فرق إنقاذ للمناطق المنكوبة بالتنسيق مع السلطات المغربية.