سايس: ماتش ليبيريا مهم واخا تأهلنا لكاس إفريقيا وخاصنا نربحوه

أكد الدولي المغربي رومان سايس أن الماتش الجاي ضد ليبيريا مهم بزاف للمنتخب الوطني المغربي، واخا ديجا ضمن التأهل لكاس العالم، وأن اللاعبين اللي جاو أول مرة ليكيب ناسيونال مستواهم مزيان وغزيدو بالمنتخب القادم.
وتحدث الكابيتان ديال المنتخب المغربي رومان سايس فتصريح للموقع الرسمي للجامعة الملكية المغربية لكرة القدم، وقال: "واخا تأهلنا لكاس إفريقيا كيبقى ماتش ليبيريا مهم عندنا، وخاصنا نوجدو مزيان باش نوجدو لكوب دا فريك، وخاصنا فهاد جوج ماتشات نهزو النيفو بعد المستوى اللي كنا لعب به فالجوج ماتشات ديال يونيو اللي فات".
وبخصوص اللاعبين اللي جاو أول مرة للمنتخب، قال الكابيتان ديال الاسود: "وكنتمنى يكونو حسو بنا استقبلناهم مزيان، الاستدعاء ديالهم للمنتخب جزاء للمستويات المزيانة ديالهم وكنتمى دغيا يتأنتيكراو فالكروب، وراه وجود منافسة بين اللاعبين اللي كاينين غيخلينا نزيدو القدام".