أمين العدلي: فرحان وكنفتخر حيث جيت للمنتخب المغربي وغندير جهدي باش نشرف التوني

عبر أمين العدلي لاعب بايرن ليفركوزن الالماني على الفرحة ديال حيث جا للمنتخب المغربي، واكد انه فخور حيث غيلبس التوني د ليكيب ناسيونال.
وتحدث امين العدلي فتصريح للموقع الرسمي ديال الجامعة الملكية المغربية لكرة القدم، وقال: "أنا فرحان وناشط ومفتاخر بزاف وشرف ليا نجي للمنتخب المغربي، وكنتمنى نشرف التوني ل ليكيب ناسيونال، وغنعطي كل جهدي".
وكمل النجم الجديد ديال المنتخب المغربي اللي عيط له وليد لاول مرة ليكيب ناسيونال وقال: "كلشي رحب بيا ودغيا اكتشفت لكروب وعرفتها دغيا كلشي رحبو بيا واستقبلوني مزيان، وغندخلو فالجوج ماتشات الجايين باش نربحو، وكنتمنى نحققو الفوز".