سليم أملاح: الماتشات ضد ليبيريا وبوركينافاسو مهمين وضروري نربحو الأول وكنخدمو باش نفرحو المغاربة

أكد الدولي المغربي سليم أملاح أن الماتشات بجوج ديال المنتخب الوطني المغربي ضد ليبيريا وبوركينافاسو، مهمين وخصوصا الأول حيث ضمن إقصائيات كأس إفريقيا اللي ضمن المغرب التأهل لها ولكن واخا هاكاك خاصو يربح.
وتحدث سليم أملاح فتصريح له للموقع الرسمي ديال الجامعة الملكية المغربية لكرة القدم، وقال: "كيتسناونا 2 ماتشات مهمين وخصوصا الأول، خاصنا نكونو معقولين باش نساليو الإقصائيات وحنا متصدرين لكروب ديالنا".
وكمل سليم أملاح وقال: "غنعطيو كاع اللي فجهدنا فالماتش وضروري نبقاو مركزين ونخدمو مزيان فالتداريب باش نربحو، وكنتمنى يجي الجمهور وحنا عارفينهم ديما ورانا ونتمنى نفرحهم".